الراديو المباشر
test
test

لو محبتنيش أنا هقتلك وهقتل نفسى!!

2:: أمال أبو باشا

03:06:53 مساءً

الجمعة 25 يناير 2019

لو محبتنيش أنا هقتلك وهقتل نفسى!!

لو محبتنيش أنا هقتلك وهقتل نفسى!!

بقلم: أمال أبو باشا ، مديرعام الإدارة العامة لشئون مكتب رئيس جامعة طنطا

 


يعنى ايه ( الشخصيه الحديه ) لما تحب وتتعلق لدرجه الجنون بشخص ما.
اولا الشخصيه الحديه او ال borderline personality بطبيعتها شخصيه ( غير مستقره عاطفيا ) وعندها mood swings - تقلبات مزاجيه صعبه جداا .

 

وواحده من سماتها ( الصعبه ) هى انها لما بتحب شخص او راجل بتتعلق لدرجه الجنون وحرفيا ( بتترعب من فكره انه يسيبها ) لانه واحده من ال insecurities -عدم الامان بتاعها هو انها تحس انها مبقتش محبوبه او الى بتحبهم ( يبعدو عنها ) لاى سبب ما .

 

بالتالى لما بترتبط بتحول حياه الشخص دا لجحيم مطلق..خلونى اتكلم شويه عن (أعراض اضطراب الشخصيه الحديه)

 

 
1-  شخصيه متقلبه المزاج ( للأكستريم ) يعنى يا بتفرج لدرجه انها بتطير من الفرحه يا تزعل لدرجه اكتئاب انتحاريه , يا تغضب لدرجه انها تحرق كل حاجه حواليها-impulsive behavior –

 

2- سلوك بيروح للاكستريم وعنيف واحيانا بتغصب من نفسها تبدأ تأذى نفسهاة لو زعلت من نفسها .. هتلاحظوها حتى فى ( السواقه ) بتسوق بتهور , او لما تروح تسهر بتلبس لبس لا يليق بالمكان ( ممكن تمشى شبه عريانه او تخبي نفسها مطلقا فى لبسها الطويل الغير مهندم) لمجرد لفت الانتباه . , لما بتغضب من نفسها بتميل انها تأذى نفسها.

 

3-  بتدور على ( علاقات مش مستقره ) , العلاقه المستقره الطبيعيه زى بقيه خلق الله مش موجوده فى قاموسها .

 

4-  رعبها الاكبر فى الحياه هو انها ’’ تخسر الناس ’’ او تخسر الشخص الى بتحبه . ولذلك بتتمسك بيه بطريقه مرضيه .

 

5-  الاحساس بالمستمر ( بالعزله) والوحده .. مهما كان عندها اصحاب وناس حواليها , وافكارها الانتحاريه مبتخلص ( احصائيا 80 % من الناس الى عندها بوردلاين عندهم محاولات انتحاريه سابقه.

 

 6-  مش بتستقر على كارير او مجال شغل معين , او حتى وظيفه ثابته .

 

ودا جزء من الاعراض اللطيفه الى عندها .

 

 ( وفى الحقيقه على اد ما هما صعبين فى التعامل جدا وتقريبا شبه مستحيل تتوقع رد فعلها ابدا ، لكن هما اصدقاء وفيين جدا وبيخدموك بكل ذره فى قلبهم بس استحمل تقلباتهم المزاجيه الاكستريم دى .
بتحول حياة الشخص لجحيم من المراقبه والفضايح والمشاكل وعلشان تتمسك بالطرف التاني ممكن تعمل اي حاجه ممكن تقول انها مريضه او تعمل فضايح او تأذى نفسهافى الحقيقه الشخصيات البوردلاين منتشره اكتر فى البنات اكتر من الولاد ، وتقريبا كل البنات عندها ، نزعه بوردلاين ، طبيعيه وهى التقلبات المزاجيه ونزعه التمسك القويه بالطرف التانى ، دا طبيعى وفطرى فى كل البنات . 
لكن ( اضطراب الشخصيه الحديه ) بيحول حياه البنت وكل الى يرتبط بيها لجحيم مطلق على الارض ، ودى لازملها علاج نفسى مع دكتور نفسى شاطر وبتفضل طول عمرها بتتعالج .

 

المضحك بقى انه الشخصيه دى ( النسوانجيه المتمرسين ) نفسهم بيخافو منها وبيهربو منها لانهم عارفين ( انه مع تقلباتها المزاجيه واضطرابها مش هيقدرو يخلوها تقتنع فى يوم من الايام انها تسيبهم وتمشى فى سلام وانه كل ساعه هيقضيها معاها هو كدا بيخليها تتعلق بيه اكتر وبالتالى فرص هروبه بتقل ولو فكر هتنتقم منه بكل وسيله ممكنه)



سياسة التعليقات لموقع احداث اليوم
إن جميع التعليقات والمشاركات المدونة هنا إنما تعبر عن رأي كاتبها . ويكون مسئولا" عنها مسئولية قانونية وأدبية عن هذه التعليقات والمشاركات. ونهيب بجميع القراء والزوار الابتعاد عن التعليقات غير الهادفة أو التي تسئ لأي شخص أو جهة بأي حال من الأحوال .
التعليق بالفيس بوك