الراديو المباشر
test
test

فلوس القصور كانت تبنى كام مدرسة

2:: عبير عوض

02:30:17 صباحاً

الجمعة 20 سبتمبر 2019

فلوس القصور كانت تبنى كام مدرسة

فلوس القصور كانت تبنى كام مدرسة

 كتبت : عبير عوض

 

اجاوبك بس جاوبنى الأول ....

١. فلوس سيارات الشرطة والاقسام اللى اتحرقت كانت تبنى كام مدرسة؟

٢. فلوس أبراج الكهرباء والمحولات اللى اتحرقت كانت تبنى كام مدرسة؟

٣. فلوس الاحتياطى اللى اتبخر لما حال البلد وقف كان يبنى كام مدرسة ؟

٤ فلوس السياحة اللى وقفت وخربت بيوت الناس كانت تبنى كام مدرسة؟

٥. فلوس الكنائس اللى اتحرقت وأعيد بناؤها كانت تبنى كام مدرسة؟

٦. فلوس المصانع اللي وقفت واتقفلت كانت تبنى كام مدرسة؟

٧. فلوس المستثمرين اللى هربت بره مصر كانت تبنى كام مدرسة؟

٨. فرق تعويم الجنيه بسبب انهيار الاقتصاد اللى اتسببت فيه مؤامرة يناير  كان يبنى كام مدرسة؟

٩. فلوس خط الغاز اللى أتفجر كام مرة ولا مصنع اجريكوم دمياط اللى اتخرب كانت تبنى كام مدرسة ؟

١٠. دم الشهداء الابرياء ورجال الجيش والشرطة كانت تبنى كام مدرسة؟

 

- اجاوبك بقى علي سؤالك ...

وجود القصر الرئاسى اى كانت تكلفته رفعت قيمة أراضى العاصمة الإدارية الجديدة وابسط مثال حى السفارات اللى لحد النهاردة ايراده لوحده عشرات المليارات لوجود مقر الحكم والرئاسة فى نفس المدينة .

الوقت والبنزين اللى ضايع فى زحام القاهرة المقدر بمليارات الدولارات سنويا يبنى كام مدرسة لما ينتهى .

أراضى الوزارات والمصالح الحكومية اللى هاتتنقل العاصمة الإدارية الجديدة تبنى كام مدرسة؟

ها تقول لى العاصمة الإدارية الجديدة الأغنياء ماشى موافقك خليهم يدفعوا ونبنى من مكاسبهم للى يستحق وبافكرك كام وحدة سكنية اتبنت خلال الأعوام القليلة الماضية؟

طيب ماهو هايكون فى فرص عمل وبيوت لكل الطبقات حول العاصمة يا استاذ ولا ايه ؟ حلاق مكوجى قهوجى فرارجى جزار وغيره مش كده ؟

التوسع حول العاصمة الإدارية الجديدة هاينهى التكدس فى الوادى الضيق والتعدى على الرقعة الزراعية .

نرجع للاصل فى كام قصر رئاسى فى مصر متهيالى لا يزيدوا عن ٤ او ٥ . مين بناهم؟ أسرة محمد على ، يعنى المفروض يبقوا متاحف تجيب إيراد مش كده برضه ؟ تبنى بيها مدارس ومصانع يا استاذ .

آخر حاجة قبل ما تمشى وراء الجماعة اياها قارن اللى تم على ارض مصر بموضوع  قصر الرئاسة فى العاصمة الإدارية الجديدة او العلمين

طيب اشمعنى موضوع القصور ده عمل ثقب فى دماغ الجماعة اياها ومثلا القصر الرهيب اللى بناه اردوغان كان حلو وجميل وعدة قصور أخرى بناها برغم ان بلاده تنهار اقتصاديا  .

يا استاذ شغل دماغك بلاش تصدق اى حاجة ، دول دوروا  سنين على ضابط جيش منشق ففشلوا فوجدوا مقاول حرامى منشق عملوه بطل وطلع كل الخونة عملوا فيديوهات قالعين هدومهم بيدعوك لثورة سيدى العريان . طيب هم فين هاربانيين بره مصر واول ما تدمر بلدك وتقعد تعيط هم هايخدوا المكافأة من أسيادهم ويعيشوا بره فى نعيم وانت قاعد تعيط .

وأخيرا اسمع كويس لا انا ولا ملايين غيرى هايسمحوا لك تدمر بلدنا عايز ثورة  ... اعمل ثورة صحوة ضمير الأول على نفسك وفكر وابنى بلدك كل ثورة وانت طيب يا راجل يا طيب. ما نجيلاكش فى ثورة . بس خلاص .

وكلنا بنقولك ... احنا فى ضهر الجيش ... احنا معاك ياسيسى



سياسة التعليقات لموقع احداث اليوم
إن جميع التعليقات والمشاركات المدونة هنا إنما تعبر عن رأي كاتبها . ويكون مسئولا" عنها مسئولية قانونية وأدبية عن هذه التعليقات والمشاركات. ونهيب بجميع القراء والزوار الابتعاد عن التعليقات غير الهادفة أو التي تسئ لأي شخص أو جهة بأي حال من الأحوال .
التعليق بالفيس بوك